ដំណាំម្ទេស

ប្រជុំផ្សព្វផ្សាយច្បាប់ស្តីពីជលផល

ថ្ងៃសុក្រ ១៤រោច ខែចេត្រ ឆ្នាំកុរ ឯកស័ក ព.ស២៥៦២ត្រូវនឹងថ្ងៃទី០៣ ខែ​ឧសភា ឆ្នាំ២០១៩ លោក អ៊ុក ណារិន នាយខណ្ឌរដ្ឋបាលជលផលកំពង់ចាម បានចូលរួមប្រជុំផ្សព្វផ្សាយច្បាប់ស្តីពីជលផល ដែលមានការចូលរួមពីអាជ្ញាធរស្រុកកងមាស អាជ្ញាធរឃុំរាយប៉ាយ និងប្រជាពលរដ្ឋ សរុបចំនួន ៣៧ នាក់ស្រ្តី៥នាក់ ក្នុងឳកាសនោះដែល លោកនាយខណ្ឌបានពន្យល់អប់រំន័យខ្លឹមសារនីមួយៗដែលមានចែងក្នុងច្បាប់ស្តីពីជលផល ជូនប្រជាពលរដ្ឋដើម្បីឲ្យមានការយល់ដឹងកាន់តែច្បាស់ និងបានធ្វើកិច្ចសន្យាហាមឃាត់ការកកាយយកដីក្នុងដែននេសាទ ការជីក បៀក្នុងដែននេសាទ ការឈូសឆាយដីព្រៃលិចទឹក ដល់ម្ចាស់គ្រឿងចក្រ ចំនួន១០នាក់ ដែលប្រកបអាជីវកម្មនៅឃុំរាយប៉ាយ ស្រុកកងមាស។

ការចិញ្ជឹមទា យកសាច់ និងពង

អបអរ​សាទរ​ខួប​អនុស្សាវរីយ៍​លើក​ទី ១៣៣ ​នៃ​ទិវាពលក​ម្ម​ជាតិ ​១ ​ឧសភា

ថ្ងៃអង្គារ៍ ១១រោច ខែចេត្រ ឆ្នាំកុរ​ ឯកស័ក ព.ស២៥៦២ ត្រូវនឹងថ្ងៃទី៣០ ខែមេសា ឆ្នាំ២០១៩ លោកប្រធានមន្ទីរ​ ស៊ឹម ថាវីរៈ បានចូលរួម​ អបអរ​សាទរ​ខួប​អនុស្សាវរីយ៍​លើក​ទី ១៣៣ ​នៃ​ទិវាពលក​ម្ម​ជាតិ ​១ ​ឧសភា ​នៅ​រោង​ចក្រ​ Medtecs ខេត្ត​កំពង់​ចាម​ ក្រោមអធិបតីភាពឯក​ឧត្តម ​គួច ​ចំរើន​ អភិបាល នៃគណៈ​អភិបាល​ខេត្ត​កំព​ង់ចាម ដោយមានការចូលរួមពីកម្មករ-កម្មការិនីរោងចក្រកាត់ដេរជាង៣៤០០នាក់​ ។ក្រៅពី​ការផ្តល់​សារអ​ប់រំពី​ការ​ងារ​ និង​អត្ថ​ប្រយោជន៍​នៃ​ការងារ ឯក​ឧត្តម ​គួច ​ចំរើន​ និ​ងក្រុមការ​ងារ​ ព្រមទាំងភា​គីរោង​ចក្រ​ ក៏​ចាប់​ឆ្នោត​ផ្តល់​សំណាង ​ព្រម​ទាំង​លេង​ល្បែង​កម្សាន្ត​ផ្តល់​ភាព​សប្បាយ​រីក​រាយ​ដល់កម្មករ ។
ឯកឧត្ដម ​គួច ​ចំរើន ​បាន​អំពាវ​នាវ​សូមឱ្យ​កម្មករ-​កម្មាការិ​នី ធ្វើ​យ៉ាង​ណា​យកចិត្តទុ​កដាក់​លើបញ្ហាសុ​ខភា​ពជា​ចំបង​ ​ជា​ពិសេស​ត្រូវ​ធ្វើ​អនាម័យ​នៅកន្លែង​ការ​ងារ​ ព្រម​ទាំងប្រឹង​ប្រែង​បំពេញ​ការងារ​ដើម្បី​រោង​ចក្រ​រីកចម្រើន​ ហើយ​រោង​ចក្រ​មាន​លទ្ធភាព​​បំពេញសេចក្តី​ត្រូវកា​ររប​ស់កម្មករ-​កម្ម​ការិនីវិញ ​តាមច្បាប់​ស្តីពីការ​ងារ​។
យោងតាមអនុសាសន៍ដ៏ខ្ពង់ខ្ពស់សម្តេចតេជោ ហ៊ុន សែន បានអំពាវនាវសុំឱ្យរោងចក្រជាសហគមន៍ដ៏សុខសាន្ត ដែលមានទំនាក់ទំនងល្អរវាងថៅកែ អ្នកគ្រប់គ្រងរោងចក្រ និងកម្មករ«តំបន់រោងចក្រជាតំបន់គ្មានបងតូច បងធំ និងគ្មានការកៀបសង្កត់ បង្កអសន្តិសុខណាមួយឡើយ»៕